სირიის პრეზიდენტ აჰმედ ალ-შარაასთან შეხვედრის შემდეგ, უკრაინის პრეზიდენტმა ვოლოდიმირ ზელენსკიმ განაცხადა, რომ შეხვედრაზე დიდი ინტერესი გამოითქვა სამხედრო და უსაფრთხოების გამოცდილების გაცვლის მიმართ.
ამის შესახებ ზელენსკი სოციალურ ქსელში წერს.
„ჩვენ შევთანხმდით, რომ ერთად ვიმუშავებთ ჩვენი საზოგადოებებისთვის უსაფრთხოებისა და განვითარების უფრო მეტი შესაძლებლობების უზრუნველსაყოფად.
ჩვენ განვიხილეთ რეგიონში არსებული ვითარება და მისი გაუმჯობესების პერსპექტივები. ასევე განვიხილეთ რუსეთის მიერ უკრაინის წინააღმდეგ ომის გარემოებები. მადლიერი ვარ მხარდაჭერისთვის. არსებობს დიდი ინტერესი სამხედრო და უსაფრთხოების გამოცდილების გაზიარების მიმართ. მადლობას გიხდით ჩვენი ხალხის მიმართ პატივისცემის გამოხატვისთვის,“ - აღნიშნა ზელენსკიმ.
პრეზიდენტებმა ასევე ისაუბრეს უკრაინის, როგორც სასურსათო პროდუქტების საიმედო მიმწოდებლის როლზე და განიხილეს ერთობლივი შესაძლებლობები მთელ რეგიონში სურსათის უვნებლობის გასაძლიერებლად.
„ჩვენ კარგად გვესმის სირიის ენერგეტიკული და ინფრასტრუქტურული გამოწვევების შესახებ, რომელთა წინაშეც ამჟამად დგას. ჩვენ მზად ვართ ერთად ვიმუშაოთ ჩვენი სახელმწიფოებისა და ხალხების შესაძლებლობების გასაზრდელად“, - დასძინა ზელენსკიმ.
