გამორიცხულია ვინმეს ჩამოშორება, რაიმე მეთოდით, მით უმეტეს მეუფე შიოს მხრიდან, რომელიც არის დახვეწილი, წესიერი ადამიანი - ამის შესახებ პარლამენტის პირველი ვიცე-სპიკერმა, გია ვოლსკიმ განაცხადა.
მისი შეფასებით, ეკლესიისთვის ჩრდილის მიყენება გრძელდება.
„საეკლესიო არჩევნების სისტემაში არანაირი კონკურენტების ჩამოშორების არანაირ მექანიზმი არ არსებობს. ვინც ეკლესიას ჩამოშორდა, რამდენიმე ადამიანის სახელი ვიცით, უშვერი სიტყვებით ლანძღავდა ეკლესიას, საქართველოს პატრიარქს, მაგრამ ამ მიზანს ვერ მიაღწიეს. გამორიცხულია ვინმეს ჩამოშორება, რაიმე მეთოდით, მით უმეტეს მეუფე შიოს მხრიდან, რომელიც არის დახვეწილი, წესიერი ადამიანი და ასეთივე მონაცემებით ხასიათდება ყველა მეუფე, რომელიც შედის წმინდა სინოდის შემადგენლობაში. ჩვენ დარწმუნებული ვართ, რომ ისინი იპოვიან ძალას, რათა გააგრძელონ ქვეყნის მსახურების ის ტრადიცია, რომელიც პატრიარქმა დატოვა. ეს არის ჩვენი ხედვა, ამ საკითხის მიმართ
ნებისმიერი თემის შემოტანა, რომ თითქოს შიგნით დაძაბულობაა, აზრთა სხვადასხვაობაა, რასაკვირველია ემსახურება არა იმ რეალობას, რომ თქვა, რომ მართლაც შეიძლება იყოს საკითხებთან მიმართებით აზრთა სხვადასხვაობა - ისინი ისე ხატავენ ამ აზრთა შესაძლო სხვადასხვაობას, რომ თითქოს ეს არის სიმახინჯე, რაზედაც ისინი ამდენი ხანია ლაპარაკობენ ეკლესიასთან დაკავშირებით. ანუ გზა გრძელდება, ეკლესიისთვის ჩირქის მოცხება, ჩრდილის მიყენება, უშვერი სიტყვებით ლანძღვა, ეს არის თემა, რომელიც გარკვეულწილად გაიზარდა დღეს, ასეთ მასობრივ შეტევაში, რომელიც არჩევნების წინ არის ჩამოყალიბებული და ჩვენ თვალწინ ხორციელდება.
ყველანაირი შეტევა ეკლესიაზე შეიძლება შეფასდეს, როგორც ბინძური და დარწმუნებული ვარ, რომ ამას შესაბამისი პასუხი გაეცემა, როდესაც აირჩევა ახალი პატრიარქი“,- განაცხადა გია ვოლსკიმ.
