ნატო-ს გენერალური მდივნის, მარკ რუტეს ვიზიტი შეერთებულ შტატებში 8-12 აპრილსაა დაგეგმილი.
ვიზიტის ფარგლებში რუტე შეხვდება აშშ-ის პრეზიდენტ დონალდ ტრამპს, სახელმწიფო მდივან მარკო რუბიოს და პენტაგონის მდივან პიტ ჰეგსეთს. ამის შესახებ ნატო-ს ოფიციალურ გვერდზე გამოქვეყნებულ განცხადებაშია ნათქვამი.
აღნიშნულია, რომ 8 აპრილს რუტე შეხვედრებს გამართავს ტრამპთან, რუბიოსთან და ჰეგსეთთან.
განცხადებაში ასევე ნათქვამია, რომ 9 აპრილს რუტე სიტყვით გამოვა და მონაწილეობას მიიღებს რონალდ რეიგანის ინსტიტუტის (Ronald Reagan Presidential Foundation Institute) მიერ ორგანიზებულ დისკუსიაში.
10-დან 12 აპრილამდე გენერალური მდივანი მონაწილეობას მიიღებს ბილდერბერგის კლუბის შეხვედრაში.
