რუსეთი და ჩინეთი ირანს პოლიტიკურად და სხვა მხრივაც“ მხარს უჭერენ, - ამის შესახებ ირანის საგარეო საქმეთა მინისტრმა, აბას არაღჩიმ NBC News-თან ინტერვიუში განაცხადა.
„ირანსა და აზიას, ირანსა და რუსეთს შორის სამხედრო თანამშრომლობა საიდუმლოს არ წარმოადგენს. ჩვენ ადრეც გვითანამშრომლია ერთმანეთთან და ახლაც ვაგრძელებთ ერთად თანამშრომლობას. და მე მჯერა, რომ ეს გაგრძელდება“, - განაცხადა აბას არაღჩიმ.
მან უპასუხა შეკითხვას, იღებდა თუ არა ირანი სამხედრო დახმარებას ჩინეთისა და რუსეთისგან.
ამერიკელმა ჟურნალისტმა იკითხა, ნიშნავდა თუ არა არაღჩის განცხადება იმას, რომ მოკავშირეები „აქტიურად ეხმარებიან თეირანს ამ ომში“.
საგარეო საქმეთა მინისტრმა აღნიშნა, რომ „დახმარებას ყოველთვის იღებდნენ“, თუმცა დეტალებზე საუბრისგან უარი თქვა.
შეგახსენებთ, რუსეთის პრეზიდენტის პრესმდივანმა დიმიტრი პესკოვმა დღეს განაცხადა, რომ რუსეთს ირანისგან დახმარების შესახებ მოთხოვნა არ მიუღია.
