უკრაინის საჰაერო-სადესანტო-მოიერიშე ძალების მე-7 სწრაფი რეაგირების კორპუსის 132-ე ცალკეული სადაზვერვო ბატალიონის სამხედროებმა მტრის თავდაცვა გაარღვიეს. ამის შესახებ უკრაინული მედია უკრაინის საჰაერო-სადესანტო-მოიერიშე ძალების მიერ გავრცელებულ ინფორმაციაზე დაყრდნობით იუწყება.
„უკრაინის შეიარაღებული ძალების საჰაერო-სადესანტო-მოიერიშე ძალების მე-7 კორპუსის 132-ე ცალკეული სადაზვერვო ბატალიონის სახმელეთო საბრძოლო სადაზვერვო ჯგუფებმა „CG132“ ალექსანდროვსკის მიმართულებით მტრის თავდაცვითი ხაზი გაარღვიეს“, - ნათქვამია განცხადებაში.
აღნიშნულია, რომ ოპერაციის დროს განადგურდა ოკუპანტების საცეცხლე პოზიციები, ცოცხალი ძალა და საბრძოლო მასალის საწყობები.
„დაზვერვის პერსონალის პროფესიონალური ქმედებების წყალობით, მტრის შემდგომი შეტევის გეგმები ჩაიშალა. ამან შესაძლებელი გახადა მეგობრული დანაყოფების ტაქტიკური წინსვლისთვის პლაცდარმის გახსნა“, - დასძინა საჰაერო ძალებმა.
