ბელგიის არმიამ რუსეთის ჩრდილოვანი ფლოტის კუთვნილი ნავთობტანკერი დააკავა. ამის შესახებ RTBF იუწყება.
ნავთობტანკერი ბელგიის სანაპიროსთან ცურავდა, როდესაც დაახლოებით შუაღამისას დააკავეს. გემი „ჩრდილოვანი ფლოტის“ ნაწილია, რომელიც წარმოადგენს გემების ქსელს, რომელიც საერთაშორისო წესების მიღმა მოქმედებენ ეკონომიკური სანქციების გვერდის ავლის მიზნით, განსაკუთრებით კი იმ სანქციების, რომლებიც რუსული ნავთობის ექსპორტის წინააღმდეგ არის მიმართული.
RTBF-ის ინფორმაციის თანახმად, ბელგიამ ნავთობტანკერი Ethera ღამით დააკავა. 180 მეტრის სიგრძის 2008 წელს აშენებული გემი გვინეის დროშის ქვეშ ცურავდა და ლა-მანშიდან მოდიოდა. ის ოსტენდის სანაპიროსთან დააკავეს.
„ბოლო რამდენიმე საათის განმავლობაში, ჩვენმა შეიარაღებულმა ძალებმა, საფრანგეთის შეიარაღებული ძალების მხარდაჭერით, რუსეთის ჩრდილოვანი ფლოტის კუთვნილი ნავთობტანკერი დააკავეს. გემი ამჟამად ზებრიუგეს პორტში გადაჰყავთ, სადაც მას დააპატიმრებენ“, - დაწერა ბელგიის თავდაცვის მინისტრმა თეო ფრანკენმა X-ზე.
