თურქეთი ღრმად დამწუხრებული და შეშფოთებულია ირანზე აშშ-სა და ისრაელის თავდასხმებით, რომლებიც ნეთანიაჰუს პროვოკაციებით დაიწყო, - ამის შესახებ თურქეთის პრეზიდენტმა განაცხადა.
„თურქეთი ღრმა მწუხარებას გამოთქვამს აშშ-სა და ისრაელის ერთობლივი თავდასხმების გამო, რომლებიც აშკარად არღვევენ ირანის სუვერენიტეტს და საფრთხეს უქმნიან მეგობარი და მოძმე ირანელი ხალხის მშვიდობას. მიზეზის მიუხედავად, ჩვენ მიუღებლად მივიჩნევთ ირანის სარაკეტო და დრონებით თავდასხმებს სპარსეთის ყურეში ჩვენს მოძმე ქვეყნებზე.
თუ საღი აზრი არ გაიმარჯვებს და დიპლომატიას შანსი არ მიეცემა, ჩვენი რეგიონი ცეცხლის რგოლში აღმოჩნდება. შემდგომი სისხლისღვრის თავიდან ასაცილებლად და ჩვენი რეგიონის კიდევ უფრო დიდი ტანჯვის თავიდან ასაცილებლად, ყველა მხარემ, განსაკუთრებით კი ისლამურმა სამყარომ, სასწრაფო ზომები უნდა მიიღოს“, - განაცხადა რეჯეფ თაიფ ერდოღანმა.
მისი თქმით, ანკარა დაუყოვნებლივ გააძლიერებს დიპლომატიურ ძალისხმევას - პირველ რიგში, ცეცხლის შეწყვეტის უზრუნველყოფისა და შემდეგ მოლაპარაკებების მაგიდასთან განახლებისთვის.
