ისრაელისა და აშშ-ის თავდასხმის შედეგად სავარაუდოდ, ირანის თავდაცვის მინისტრი აზიზ ნასირზადე და რევოლუციური გვარდიის მეთაური მოჰამედ პაკპური დაიღუპნენ. ინფორმაციას Reuters ავრცელებს.
პაკპურმა ირანის ისლამური რევოლუციის გუშაგთა კორპუსის მეთაურის თანამდებობა 2025 წლის ზაფხულში დაიკავა, მას შემდეგ, რაც მისი წინამორბედი, ჰოსეინ სალამი, ირანზე ისრაელის საჰაერო დარტყმების შედეგად დაიღუპა.
აშშ-სა და ისრაელის ხელისუფლებას, ასევე ამერიკულ და ისრაელის სამხედრო სარდლობებს, ჯერ ოფიციალურად არ გაუკეთებიათ კომენტარი ირანის ხელმძღვანელობის წარმომადგენლების დაღუპვის შესახებ გავრცელებულ ინფორმაციაზე.
