უკრაინის პრეზიდენტი ვოლოდიმირ ზელენსკი ირანში აშშ-ისრაელის ოპერაციას სოციალურ ქსელში გამოეხმაურა.
მან მხარი დაუჭირა აშშ-ის ქმედებებს, თუმცა თქვა, რომ მნიშვნელოვანია კონფლიქტის გავრცელების თავიდან აცილება და „რაც შეიძლება მეტი სიცოცხლის გადარჩენა“.
„მიუხედავად იმისა, რომ უკრაინელები არასდროს ემუქრებოდნენ ირანს, ირანის რეჟიმმა თავად გადაწყვიტა პუტინის მოკავშირე ყოფილიყო და მას „შაჰედები“ მიაწოდა“, - განაცხადა ზელენსკიმ.
უკრაინის პრეზიდენტმა აღნიშნა, რომ თეირანი მოსკოვს არა მხოლოდ დრონებით, არამედ ტექნოლოგიებითაც ამარაგებდა.
მისი თქმით, უკრაინაში შეჭრის დაწყებიდან რუსმა სამხედროებმა 57 000-ზე მეტი Shahed-ის ტიპის დრონი შეიძინეს.
„ამიტომ, სამართლიანია, ირანელ ხალხს მივცეთ შანსი, თავი დააღწიონ ტერორისტულ რეჟიმს“, -აღნიშნა უკრაინის პრეზიდენტმა.
