შეერთებული შტატები კუბაზე კონტროლის დამყარებას იმედოვნებს.
ამის შესახებ ამერიკის შეერთებული შტატების პრეზიდენტმა დონალდ ტრამპმა ტეხასში სამუშაო ვიზიტის დაწყებამდე ჟურნალისტებთან საუბრისას განაცხადა.
„კუბის მთავრობა ჩვენთან ლაპარაკობს. მათ დიდი პრობლემები აქვთ, ფული არ აქვთ, ამჟამად არაფერი აქვთ. მაგრამ ისინი ჩვენთან ლაპარაკობენ და შესაძლოა, კუბა მეგობრულად დავიპყროთ“, - განაცხადა ამერიკის პრეზიდენტმა.
აშშ-ის პრეზიდენტს დეტალებზე არ უსაუბრია, თუმცა აღნიშნა, რომ ამ გზით ვაშინგტონი კუბიდან წასულ ადამიანებს დაეხმარება.
„კუბასთან მრავალი წლის ურთიერთობა გვქონდა. კუბის შესახებ ბავშვობიდან მესმოდა... ჩვენ შეგვიძლია გავაკეთოთ რაიმე კარგი, ვფიქრობ, ძალიან პოზიტიური, იმ ადამიანებისთვის, რომლებიც კუბიდან გააძევეს, ან უარესი, აქ ცხოვრობენ,“ - განაცხადა ტრამპმა.
