საფრანგეთის აუდიოვიზუალური და ციფრული კომუნიკაციების მარეგულირებელმა ორგანომ (ARCOM) გამოაცხადა გადაწყვეტილება, ევროკავშირის სანქციების შესაბამისად, სტრიმინგ პლატფორმების მეშვეობით რუსული მედიის 35 ვებგვერდზე, ტელე და რადიოსადგურებზე წვდომა დაბლოკოს. ამის შესახებ Le Figaro იუწყება.
სანქციების ქვეშ მოექცა ვებგვერდები, მათ შორის sputniknews.lat, rtenfrancais.tv, news-front.su, southfront.press და strategic-culture.su.
„სერვისის პროვაიდერებისთვის გაგზავნილი ოფიციალური შეტყობინების შემდეგ, ARCOM ახლა სთხოვს ინტერნეტ სერვისის პროვაიდერებს, დომენური სახელის სერვისის პროვაიდერებს და საძიებო სისტემებს, დაბლოკონ და გააუქმონ სანქციების ქვეშ მყოფი რუსული მედიასაშუალების 35 ოფიციალური ვებგვერდი“, - ნათქვამია განცხადებაში.
ARCOM-მა ასევე მიმართა საძიებო სისტემებს, დაბლოკონ ოთხი სტრიმინგ პლატფორმის კუთვნილი გვერდები, რომლებიც უზრუნველყოფენ წვდომას სანქცირებული რუსული ტელევიზიენისა და რადიოს სერვისებზე.
აღნიშნულია, რომ 2022 წელს რუსეთის მიერ უკრაინაში სრულმასშტაბიანი შეჭრის შემდეგ, ფრანგულმა თანამგზავრულმა ოპერატორმა Eutelsat-მა შეწყვიტა რუსული არხების - NTV-Mir-ის, “როსია 1“-ისა და პირველი არხის - მაუწყებლობა. 2022 წლის მარტში ARCOM-მა ასევე შეწყვიტა რუსული მედიასაშუალების RT-ის ფრანგულენოვანი ვერსიის, RT France-ის მაუწყებლობა.
