უკრაინის თავდაცვის ძალებმა ოკუპირებულ ყირიმში რუსეთის სამხედრო ობიექტებზე წარმატებული დარტყმების სერია განახორციელეს. კერძოდ, განადგურდა ორი „ოხოტნიკის“ ტიპის სასაზღვრო საპატრულო ხომალდი და ორი Be-12 წყალქვეშა ნავსაწინააღმდეგო ამფიბიური თვითმფრინავი.
ამის შესახებ უკრაინის შეიარაღებული ძალების გენერალური შტაბის მიერ გავრცელებულ განცხადებაშია ნათქვამი.
„21 თებერვლის ღამეს, უკრაინის ყირიმის დროებით ოკუპირებულ ტერიტორიაზე, ქალაქ ინკერმანთან ახლოს, მტრის პროექტი 22460 “ოხოტნიკის“ ტიპის ორ სასაზღვრო საპატრულო გემს დარტყმა მიაყენეს. დაფქისრდა დარტყმები“, - ნათქვამია განცხადებაში.
ასევე, როგორც გენშტაბმა აღნიშნა, ქალაქ ევპატორიაში, საავიაციო სარემონტო ქარხნის ტერიტორიაზე, დაზიანდა ორი Be-12 თვითმფრინავი.
ასევე გავრცელდა ინფორმაცია, რომ ზაპოროჟიეს ოლქის სოფელ ასტრახანკას მიდამოებში უკრაინის თავდაცვის ძალების დანაყოფებმა მტრის „ტორნადო-ს“ ტიპის სარაკეტო სისტემა გაანადგურეს. მტრის მთლიანი დანაკარგები და მიყენებული ზარალის საბოლოო ოდენობა დგინდება.
