იაპონია განაგრძობს უკრაინის მხარდაჭერას ქვეყნის პარტნიორებთან მჭიდრო თანამშრომლობით, - ამის შესახებ აპონიის პრემიერ-მინისტრმა, სანაე ტაკაიჩიმ განაცხადა.
„რუსეთის მიერ უკრაინაში შეჭრა კვლავ გრძელდება. მნიშვნელოვანია, რუსეთის აგრესია რაც შეიძლება სწრაფად დასრულდეს. იაპონია განაგრძობს უკრაინის მხარდაჭერას მსგავსი პოზიციის მქონე ქვეყნებთან მჭიდრო თანამშრომლობით, უკრაინელი ხალხის ნების პატივისცემის პარალელურად“, – აღნიშნა სანაე ტაკაიჩიმ.
მისი განმარტებით, ახლა რუსეთსა და იაპონიას შორის დაძაბული ურთიერთობაა. მისივე თქმით, იაპონიის მთავრობის პოლიტიკა ტერიტორიული საკითხის გადაჭრისა და სამშვიდობო ხელშეკრულების დადების კუთხით უცვლელია.
