საფრანგეთმა გაათავისუფლა ტანკერი GRINCH რომელიც სანქციების დამრღვევ რუსეთის „ჩრდილოვან ფლოტთან“ სავარაუდო კავშირის გამო იყო დაკავებული.
ამის შესახებ საფრანგეთის საგარეო საქმეთა მინისტრმა ჟან-ნოელ ბარომ სოციალურ ქსელში განაცხადა.
„ტანკერი GRINCH საფრანგეთის ტერიტორიულ წყლებს ტოვებს რამდენიმე მილიონი ევროს გადახდისა და ფო-სიურ-მერში სამკვირიანი იმობილიზაციის შემდეგ, რომელიც ძვირი დაუჯდა. ევროპის სანქციებისგან თავის არიდება თავის ფასს მოითხოვს. რუსეთი ვეღარ შეძლებს თავისი ომის დაუსჯელად დაფინანსებას ჩვენს სანაპიროებთან ჩრდილოვანი ფლოტის მეშვეობით“, - აღნიშნა მინისტრმა.
Reuters აღნიშნავს, რომ ტანკერი GRINCH იანვარში ხმელთაშუა ზღვაში დააკავეს და შემდეგ საფრანგეთის პორტ-ქალაქ მარსელთან გაგზავნეს რუსეთის „ჩრდილოვან ფლოტთან“ კავშირის ეჭვის გამო.
