მედიის ცნობით, ჩეხეთის რესპუბლიკის 400-ზე მეტი ქალაქისა და სოფლის ათასობით მცხოვრები ქუჩებში გამოვიდა პროდასავლური პრეზიდენტის, პეტრ პაველის მხარდაჭერის გამოსახატავად, მასსა და მემარჯვენე პოპულისტ და ევროსკეპტიკოს პრემიერ-მინისტრის, ანდრეი ბაბიშს შორის კონფლიქტის გამწვავების ფონზე.
როგორც მედია იტყობინება, აქცია ინიციატივა „მილიონი მომენტი დემოკრატიისთვის“ ორგანიზებით გაიმართა.
ჩეხეთის რესპუბლიკის სიდიდით მეორე ქალაქში, ბრნოში, დემონსტრაციაში 8000-დან 10 000-მდე ადამიანმა მიიღო მონაწილეობა.
აქციები ასევე გაიმართა ოსტრავაში (ჩეხეთის რესპუბლიკის მესამე ყველაზე მჭიდროდ დასახლებული ქალაქი), პარდუბიცესა და კარლოვი ვარში.
მანამდე, 1 თებერვალს პრაღაში პაველიოს მხარდასაჭერად მასშტაბური მიტინგი გაიმართა.
ორგანიზატორების შეფასებით, ღონისძიებაში 90 000-მდე ადამიანი მონაწილეობდა. შემდეგი აქცია ჩეხეთის დედაქალაქში 21 მარტს არის დაგეგმილი.
პაველსა და ბაბიშს შორის კონფლიქტი მას შემდეგ დაიწყო, რაც პრეზიდენტმა უარი თქვა ერთ-ერთი პარტიის საპატიო თავმჯდომარის, ფილიპ ტურეკის გარემოს დაცვის მინისტრად დანიშვნაზე. პაველმა გადაწყვეტილება იმით ახსნა, რომ ტურეკმა ადრე გააკეთა განცხადებები, რომლებიც, მისი აზრით, დემოკრატიულ სახელმწიფოში მინისტრის თანამდებობასთან შეუთავსებელი იყო. ტურეკს რასიზმში, სექსიზმსა და ჰომოფობიაში ადანაშაულებდნენ.
