ირანის საგარეო საქმეთა მინისტრის მოადგილემ, მაჯიდ თახთ-რავანჩიმ განაცხადა, რომ მისი ქვეყანა მზადაა კომპრომისებზე წავიდეს შეერთებულ შტატებთან ბირთვული შეთანხმების მისაღწევად, თუ ამერიკელები სანქციების მოხსნის განხილვას დათანხმდებიან. ამის შესახებ მან BBC-თან ინტერვიუში განაცხადა.
ირანის საგარეო საქმეთა მინისტრის მოადგილემ, განაცხადა, რომ „ბურთი ამერიკის მოედანზეა“ და მოლაპარაკებების სურვილი ამერიკელებმა უნდა გამოავლინონ.
„ჩვენ მზად ვართ განვიხილოთ ეს და ჩვენს პროგრამასთან დაკავშირებული სხვა საკითხები, თუ ისინი მზად იქნებიან სანქციებზე სასაუბროდ“, - განუცხადა თახთ-რავანჩიმ BBC-ს.
მას არ დაკონკრეტებია, საუბარია ყველა თუ ზოგიერთი სანქციის მოხსნაზე.
კითხვაზე, დათანხმდება თუ არა ირანი 400 კილოგრამზე მეტი მაღალგამდიდრებული ურანის მარაგის გაუქმებას, თახთ-რავანჩიმ განაცხადა, რომ „ნაადრევია იმის თქმა, თუ რა მოხდება მოლაპარაკებების დროს“.
