აშშ-ის პრეზიდენტმა დონალდ ტრამპმა აშშ-სა და ვენესუელას შორის ურთიერთობებს „ძალიან კარგი“ შეფასება მისცა. მისი თქმით, ქვეყანაში ვიზიტს გეგმავს. ამის შესახებ Reuters იუწყება.
„ვენესუელაში ჩასვლას ვგეგმავ“, - თქვა ტრამპმა.
ამერიკის ლიდერმა სხვა დეტალები არ გაამხილა, თუმცა განაცხადა, რომ შეერთებულ შტატებს „ძალიან კარგი ურთიერთობები აქვს ვენესუელის პრეზიდენტთან“.
ტრამპმა ასევე აღნიშნა, რომ შეერთებული შტატები „ძალიან მჭიდროდ თანამშრომლობს“ ვენესუელის პრეზიდენტის მოვალეობის შემსრულებელ დელსი როდრიგესთან ნავთობზე წვდომის საკითხზე.
„მე ვიტყოდი, რომ ჩვენი ამჟამინდელი ურთიერთობები ვენესუელასთან 10 ქულას იმსახურებს,“ - თქვა მან.
