ნატო-მ არქტიკაში თავისი ყოფნის გასაძლიერებლად სამხედრო მისია დაიწყო, რაც აშშ-ის პრეზიდენტ დონალდ ტრამპისთვის მიცემული დაპირების ნაწილია, რომელიც ამტკიცებს, რომ რეგიონი, კერძოდ, გრენლანდია, დაუცველია. ამის შესახებ Reuters იუწყება.
მისია Arctic Sentry კოორდინაციას გაუწევს ნატო-ს ევროპელი მოკავშირეების მზარდ სამხედრო ყოფნას რეგიონში და კერძოდ, ისეთ სამხედრო წვრთნებს, როგორიცაა დანიის ოპერაცია Arctic endurance გრენლანდიაში.
„მისია ხაზს უსვამს ალიანსის ერთგულებას, დაიცვას თავისი წევრები და შეინარჩუნოს სტაბილურობა მსოფლიოს ერთ-ერთ ყველაზე სტრატეგიულად მნიშვნელოვან და გარემოსდაცვით რთულ რეგიონში“, - განაცხადა ნატო-ს მოკავშირეთა ძალების უმაღლესმა მთავარსარდალმა ევროპაში, ალექსუს გრინკევიჩმა.
ნატო-მ მისიის დაგეგმვა მას შემდეგ დაიწყო, რაც აშშ-ის პრეზიდენტმა დონალდ ტრამპმა და ნატო-ს გენერალურმა მდივანმა მარკ რუტემ იანვარში დავოსში მოლაპარაკებები გამართეს, გრენლანდიის კრიზისის პიკზე, რომელიც ამერიკის ლიდერის მიერ კუნძულზე კონტროლის დაჟინებულმა მოთხოვნამ გამოიწვია.
რუტე და ტრამპი შეთანხმდნენ, რომ ნატო უფრო დიდ როლს შეასრულებს არქტიკის დაცვაში, ხოლო დანია, აშშ და გრენლანდია გრენლანდიასთან დაკავშირებით შემდგომ მოლაპარაკებებს გამართავენ.
