ჩვენ მტკიცედ მოვუწოდებთ საქართველოს მთავრობას, გამოაქვეყნოს გამოძიების შედეგები, - ამის შესახებ წერს ბრიტანეთის მთავრობის საგარეო ოფისი დიდი ბრიტანეთის ლორდთა პალატის წევრის, ჯორჯ ფოლკსის შეკითხვების პასუხად, აპირებს თუ არა დიდი ბრიტანეთის მთავრობა სანქციები დააწესოს საქართველოს მაღალი თანამდებობის პირების მიმართ, 2024 წლის ნოემბერსა და დეკემბერში საპროტესტო აქციების დასაშლელად ქიმიური იარაღის გამოყენების შესახებ ინფორმაციის გავრცელების შემდეგ,
"ჩვენ მტკიცედ მოვუწოდებთ საქართველოს მთავრობას, გამოაქვეყნოს გამოძიების შედეგები, რომელიც, როგორც ირწმუნებიან, ამ განცხადებების საფუძველზე ჩატარდა და განვაგრძობთ მოწოდებას, დაიცვას შეკრების თავისუფლება და პასუხისგებაში მისცეს დემონსტრანტების მიმართ გადაჭარბებულ ძალადობაში პასუხისმგებელი პირები", - ნათქვამია ბრიტანეთის მთავრობის საგარეო ოფისის პასუხში, ლორდთა პალატის წევრის, ჯორჯ ფოლკსის მიერ 4 დეკემბერს გაგზავნილი შეკითხვის პასუხად.
