დეპუტატი გურამ ჩახვაძე პარლამენტის კომიტეტებში კონტროლის პალატის მიერ სადაზღვეო კომპანიების აუდიტის შედეგების განხილვას ითხოვს.
როგორც "ეროვნულ-დემოკრატიული" პარტიის წევრმა გურამ ჩახვაძე აღნიშნა, კონტროლის პალატის შემოწმებამ ყოველგვარ მოლოდინს გადააჭარბა.
ჯანდაცვის სახელმწიფო პროგრამის აუდიტმა აჩვენა, რომ ბიუჯეტიდან გამოყოფილი 284 მილიონი ლარიდან სადაზღვევო კომპანიებმა მოსახლეობაზე მხოლოდ 114 მილიონი ლარი დაიხარჯა. დანარჩენი 170 მილიონი ლარი აღნიშნულმა კომპანიებმა საკუთარ შემოსავლებს შეამატეს.
კონტროლის პალატის მიერ ჩატარებულმა შემოწმებამ დაადასტურა, რომ სამედიცინო მომსახურებით დაზღვეული მოქალაქეების 21-მა პროცენტმა ისარგებლა.
მისივე თქმით, ბიუჯეტის მიღების დროს ჯანდაცვის სამინისტრო აცხადებდა, პროგრამებზე მეტ ფულს ვერ გამოვყოფთ, რადგან ბიუჯეტი დიდი არ გვაქვსო. რეალურად კი, სოციალურად უსამართლო და უკონტროლო სისტემის გამო, სამედიცინო მომსახურების გარეშე 100 ათასობით ადამიანი რჩება.
ამასთან, ანალოგიური მდგომარეობაა სხვა სოციალურ პროგრამებზე, მათ შორის პენსიონერებზე, რომლებიც "ლიბერთი ბანკში" იღებენ ფულს და მათ სესხის სთავაზობენ წლიური 35-36 პროცენტში.
"ბიუჯეტის ხარჯზე ბიზნესის ასეთი აწყობა საქართველოს გარდა არსად არ ხდება", - აღნიშნა ჩახვაძე.
ამასთან, ჩახვაძემ საკითხის პლენარულ სხდომაზე განხილვა მოითხოვა.
დეპუტატის გამოსვლას პარლამენტის თავმჯდომარე დათვით ბაქრაძე გამოეხმაურა და აღნიშნა, რომ სადაზღვეო კომპანიების აუდიტის განხილვა ჯანდაცვისა და დარგობრივი ეკონომიკის კომიტეტებს უკვე დაევალათ.