ავღანეთში ქართული კონტინგენტის გაფართოებაზე მოლაპარაკებები ნატოსთან და პარტნიორ ქვეყნებთან მიმდინარეობს.
ამის შესახებ საქართველოს პრეზიდენტის პრეს-სპიკერმა მანანა მანჯგალაძემ პრეზიდენტის სასახლეში გამართულ ბრიფინგზე განაცხადა.
"ავღანეთში ქართული კონტინგენტის გაფართოებაზე მოლაპარაკებები ალიანსთან და პარტნიორ ქვეყნებთან მიმდინარეობს. საქართველოს ეროვნული ინტერესია, რომ ავღანეთში ოპერაცია წარმატებით დასრულდეს", - განაცხადა მანჯგალაძემ.
შეგახსენებთ, რომ საქართველოს პრეზიდენტმა მიხეილ სააკაშვილმა მიუნხენის კონფერენციაზე სიტყვით გამოსვლისას ავღანეთში ISF-ის პროგრამის ფარგლებში სამხედრო ძალების გაზრდის ინიციატივა დააყენა.
