საქართველოში ტურისტების რაოდენობა 47 %-ით გაიზარდა. ეკონომიკისა და მდგრადი განვითარების სამინისტროს ინფორმაციით, 2011 წლის იანვარში, საქართველოს 160 991 ვიზიტორი ესტუმრა, რაც წინა წლის ანალოგიურ მაჩვენებელს 47%-ით აღემატება.
სამინისტროში განმარტავენ, რომ 2011 წლის იანვარში, ევროპის ქვეყნებიდან (დსთ-ს ქვეყნების გარეშე) საქართველოში 59 010 ვიზიტორი შემოვიდა (შემოსულ ვიზიტორთა 36,7%), რაც გასულ წელთან შედარებით 56%-ით მეტია. 2011 წლის პირველ თვეში, დსთ-ს ქვეყნებიდან შემოსულია 97 404 ვიზიტორი (ვიზიტორთა 60,5%), რაც 2010 წლის იანვრის ანალოგიურ მაჩვენებელს 43%-ით აღემატება.
მიმდინარე წლის პირველ თვეში, ამერიკიდან შემოვიდა 1 648 ვიზიტორი (შემოსულ ვიზიტორთა 1%), რაც 2010 წლის იანვრის ანალოგიურ მაჩვენებელზე 53%-ით მეტია, აზიის ქვეყნებიდან _ 2 580 ვიზიტორი (შემოსულ ვიზიტორთა 1,6%), რაც წინა წლის ანალოგიურ მაჩვენებელს 28%-ით აღემატება, აფრიკიდან _ 128 ვიზიტორი (შემოსულ ვიზიტორთა 0,1%), რაც გასული წლის მაჩვენებელს 78%-ით აღემატება, ხოლო დანარჩენი მსოფლიოდან - 221 ვიზიტორი (ვიზიტორთა 0,1%), რაც გასული წლის მაჩვენებელს 18%-ით აღემატება.
2011 წლის იანვარში, დსთ-ს ქვეყნებიდან შემოსულ ვიზიტორთა (97 404) უდიდესი ნაწილი აზერბაიჯანზე მოდის. კერძოდ, აზერბაიჯანიდან 44 326 ვიზიტორი (დსთ-ს ქვეყნების ვიზიტორთა 46%) შემოვიდა, რაც გასული წლის იანვრის მაჩვენებელს 36%-ით აღემატება.
სომხეთიდან შემოსულია 34 626 ვიზიტორი (დსთ-ს ვიზი-ტორების 36%), რაც გასული წლის იანვართან შედარებით 53%-ით მეტია.
