რუსთაველის გამზირის გადაკეტვისთვის დაკავებულ 70 წლის ვაჟა ბერიშვილი სასამართლომ ადმინისტრაციულ სამართალდამრღვევად ცნო. მას მოსამართლე თორნიკე ქოჩქიანის გადაწყვეტილებით 1-დღიანი ადმინისტრაციული პატიმრობა შეეფარდა. ის წუხელ, 21:45 საათზე დააკავეს, შესაბამისად, იზოლატორს დღეს, ამ დროს დატოვებს.
ადმინისტრაციულ სამართალდამრღვევად სცნო მოსამართლე კობა ჩაგუნავამ დემონსტრანტი ბექა აგულაშვილიც. მას ადმინისტრაციული სახდელის სახით 5-დღიანი ადმინისტრაციული პატიმრობა შეეფარდა.
3-დღიანი პატიმრობა შეეფარდა 18 წლის სამოქალაქო აქტივისტ, ნიკოლოზ დარსანიას,
ადმინისტრაციული სამართალდამრღვევად სცნეს ანუკა გამსახურდიასაც. მოსამართლის გადაწყვეტილებით, მას 2-დღიანი ადმინისტრაციული პატიმრობა შეეფარდა.
სასამართლოში კიდევ რამდენიმე პირის სასამართლო პროცესი მიმდინარეობს.
დაკავებულებს ადმინისტრაციულ სამართალდარღვევათა კოდექსის 174-ე პრიმა მუხლის მე-10 ნაწილით გათვალისწინებული ქმედების ჩადენას ედავებიან, რაც გზის სავალი ნაწილის ხელოვნურად გადაკეტვას გულისხმობს.
ფოტო: რადიო თავისუფლება
