საქართველოს პრეზიდენტის მიხეილ სააკაშვილის პარლამენტში გამოსვლა დებატების ფორმატით გაგრძელდება.
ამის შესახებ დღეს, ბიუროს სხდომაზე პარლამენტის თავმჯდომარემ დავით ბაქრაძემ განაცხადა.
"რეგლამენტის 194 მუხლი მკაცრდა არეგულირებს პრეზიდენტის პარლამენტში გამოსვლის შემდეგ ვის აქვს სიტყვით გამოსვლის უფლება და რა ფორმატით უნდა ჩატარდეს დებატები, თუმცა ჩვენ ყოველთვის ვცდილობდით გაგვეთვალისწინებინა ოპოზიციის მოსაზრება, გაგვეთვალისწინებინა ის, რომ ალბათ ბევრ დეპუტატს სურს გამოსვლა და დებატებში მონაწილეობის მიღება", - აღნიშნა ბაქრაძემ.
მისივე თქმით, წელს ეს ტრადიცია არ დაირღვევა და გამოსვლის შესაძლებლობა ექნებათ, როგორც ფრაქციებს, ასევე უმცირესობის და უმრავლესობის წევრებს.
"ორი დამოუკიდებელი დეპუტატისგან გია ცაგარეიშვილისგან და ჯონდი ბაღათურიასგან არის განცხადება შემოსული. მათ აქვთ სურვილი დებატებში მიიღონ მონაწილეობა და ალბათ, მათაც გამოსვლის საშუალება მიეცემათ", - აღნიშნა ბაქრაძემ.
ამასთან, ბაქრაძემ მზადყოფნა გამოთქვა თუ საჭირო გახდება პრეზიდენტის გამოსვლამდე დებატებით ფორმატზე კონსულტაციების გამართოს.