"თავისუფალი დემოკრატების" ახალგაზრდული ორგანიზაციის წევრებმა სურსათზე ფასების ზრდა სახელმწიფო კანცელარიის შენობასთან გააპროტესტეს.
ახალგაზრდებმა ხელისუფლების ყურადღების მიპყრობა სასტვენის საშუალებით სცადეს.
როგორც "ჯი-ეიჩ-ენთან" საუბრისას "თავისუფალი დემოკრატების" ახალგაზრდული ორგანიზაციის თავმჯდომარემ სულხან ღლონტმა აღნიშნა, ქვეყანაში უმძიმესი სოციალური ვითარებაა. ამდენად, მათი მოთხოვნაა, ხელისუფლებამ შეწყვიტოს უსამართლო სოციალური პოლიტიკის გატარება.
სულხან ღლონტი მოითხოვს, შემცირდეს ადმინისტრაციული ხარჯები, რადგან ხელისუფლება ათეულობთ მილიონს ფლანგავს საკუთარი სიამოვნებისთვის.
ახალგაზრდების თქმით, ქვეყანაში შაქარი 125 %-ით გაძვირდა, წიწიბურა_160%-ით, ხახვი_210%-ით, კარტოფილი_145%-ით, ხოლო ზეთი_40%-ით.
"თავისუფალი დემოკრატები" მორიგ საპროტესტო აქციებს კვლავაც განაგრძობენ.