საქართველოს პარლამენტის თავმჯდომარის პირველი მოადგილე მიხეილ მაჭავარიანი და ვიცე-სპიკერი გიგი წერეთელი განაგრძობენ ვიზიტს ამერიკის შეერთებულ შტატებში.
ისინი შეხვდნენ ეროვნულ-დემოკრატიული ინსტიტუტის (NDI) ხელმძღვანელს, კენ ვოლაკს. საუბარი შეეხო საქართველოში მიმდინარე დემოკრატიულ პროცესებს. ქართულმა დელეგაციამ მათ მიაწოდა დეტალური ინფორმაცია საქართველოში მიმდინარე დემოკრატიულ რეფორმებზე, საკონსტიტუციო რეფორმაზე, მედია გამჭვირვალობის საკითხებზე. საუბარი ასევე შეეხო NDI-სა და საქართველოს პარლამენტს შორის მიმდინარე თანამშრომლობისა და მომავალი პერსქპექტივების საკითხებს.
ვიზიტის ფარგლებში, ასევე გაიმართა შეხვედრები საერთაშორისო რესპუბლიკური ინსტიტუტის (IRI) ხელმძღვანელობასთან. ასევე გრძელდება შეხვედრები სენატორებთან და ხელისუფლების სხვადასხვა წარმომადგენლებთან.
ვიზიტის ფარგლებში მიხეილ მაჭავარანი და გიგი წერეთელი გაემგზავრებიან კალიფორნიაში, სადაც მონაწილეობას მიიღებენ პრეზიდენტ რეიგანის 100 წლისთავისადმი მიძღვნილ საზეიმო ღონისძიებებში.