ლეიბორისტული პარტია კომპანია "თელასს" უპირისპირდება.
როგორც პარტიის ერთ-ერთმა ლიდერმა გიორგი გუგავამ დღეს გამართულ პრესკონფერენციაზე განაცხადა, "თელასი" მოსახლეობის მიმართ ახალი სადამსჯელო ღონისძიების გატარებას გეგმავს, რისთვისაც უცხოური ბანკისგან 25 მილიონიანი კრედიტის აღებას აპირებს.
"სახელისუფლებო ენერგო-მაფიის მიერ გადმოგდებული ელექტროენერგიის 20 ლარიანი სატყუარა-ვაუჩერი, გამიზნულია მოსახლეობიდან მილიონების უკანონოდ ასაღლეტად... სინამდვილეში, რუსული კომპანია "თელასი" ხალხსი მიმართ ახალი სადამსჯელო ღონისძიებები განხორციელებას აპირებს და ამისთვის ევროპის ბანკიდან 25 მილიონიანი კრედიტის ასაღებად ემზადება. ჩვენ კატეგორიულად მოვითხოვთ ევროპის ბანკისგან "თელასისთვის" სესხის გაცემაზე უარი თქვას", - განმარტა გუგავამ.
ამასთან, აღნიშნულის გარდა, ლეიბორისტულმა პარტიამ ერთიანი კომუნალური ქვითრის გაუქმების მოთხოვნით საკონსტიტუციო სასამართლოში სარჩელი შეიტანა.
შეგახსენებთ, რომ ერთიანი კომუნალური გადასახადების ქვითარი დღეიდან ამოქმედდა, რაც წყლის ან დასუფთავების დავალიანების მქონე აბონენტებისთვის ელექტროენერგიის ჩაჭრასაც ითვალისწინებს.
მასალის გამოყენების პირობები