საქართველოს პრეზიდენტმა მიხეილ სააკაშვილმა მიუნხენის უსაფრთხოების კონფერენციაზე სიტყვით გამოსვლის დროს ამერიკელი დიპლომატის რიჩარდ ჰოლბრუკის დამსახურებებზე კიდევ ერთხელ ისაუბრა.
"მინდა პატივი მივაგო რიჩარდ ჰოლბრუკის ხსოვნას, რომელიც თქვენთან ერთად ჩემი მეგობარიც იყო. მე მას დიდი ხანია ვიცნობდი. 2008 წელს, როდესაც ჩვენს ქვეყანაში შემოიჭრნენ ის ბოლო რეისით ჩამოფრინდა და ფიქრობდა, რომ ვალდებული იყო მსოფლიოსთვის სიმართლე ეთქვა. ის ძალიან კარგი ადამიანი იყო", - აღნიშნა სააკაშვილმა.
მისივე შეფასებით, ჰოლბრუკი იდეალისტი და ამავდროულად პრაგმატული, ეფექტური პოლიტიკოსი იყო.
"თუ ევროპაში რამდენიმე ამბობს ამას მათ შორის ჩემი ქვეყანაც არის. ჩვენ გადავრჩებით, გავაგრძელებთ გზად და ამაში ჰოლბრუკს დიდი წვლილი აქვს შეტანილი. ჰოლბრუკი ჩემთვის იდეალიტსიცაა და საერთაშორისო დიპლომატიც. კიდევ ერთხელ მინდა მის ხსოვნას პატივი მივაგო", - დასძინა კონფერენციაზე სიტყვით გამოსვლის დასრულების დროს საქართველოს პრეზიდენტმა.
