ევროპისა და შეერთებული შტატების ჩართულობა გადამწყვეტია იმისთვის, რომ მას, ვინც მხოლოდ სამხედრო ძალის უზენაესობას აღიარებს, მოლაპარაკების მაგიდასთან დაჯდომა აიძულონ.
აღნიშნული მოწოდება საქართველოს პრეზიდენტმა მიხეილ სააკაშვილმა დღეს, მიუნხენის უსაფრთხოების კონფერენციაზე სიტყვით გამოსვლისას, გაახმოვანა.
"თქვენი მხარდაჭერითა და დახმარებით ჩვენი რეგიონი, რომელიც დომინირების წარსული აზროვნებით ხასიათდება, შესაძლებელია პროგრესისა და თანამშრომლობის არეალად იქცეს", - აღნიშნა სააკაშვილმა.
მისივე შეფასებით, ახლა ფსონად იმაზე მეტი დევს, ვიდრე პატარა ქვეყანა, რომელიც დამოუკიდებლობაზე, ატლანტიკურ ინტეგრაციაზე ოცნებობს.
"ახლა ფსონად ევროპის ენერგოუსაფრთხოება და ავღანეთის მომარაგების ალტერნატიული გზები დევს, რომ ვერავინ შეძლოს მისით მანიპულირება", - აღნიშნა საქართველოს პრეზიდენტმა.
