„ქრისტიან-დემოკრატიული მოძრაობის" პატიმართა უფლებების დაცვის კომიტეტის თავმჯდომარემ თამაზ ბაკურიძემ მედიას დასავლეთ საქართველოში სასჯელაღსრულების სიტემის მონიტორინგის შედეგები გააცნო.
ბაკურიძის განცხადებით, ციხეებში კვლავ ფართოდაა გავრცელებული ადამიანის უფლებათა ხელყოფა, საპატიმროთა უმრავლესობა გადატვირთულია, ცუდად ნიავდება და ანტისანიტარია სუფევს, პატიმრები არაადეკვატურ საკვებს და სამედიცინო მომსახურებას იღებენ.
„ზუგდიდის, ბათუმის, ხონის და გეგუთის სასჯელაღსრულების დაწესებულებებში გვხვდება ხელოვნურად შექმნილი პრობლემები: კანონით განსაზღვრული წესით არ ხდება ვადაზე ადრე გათავისუფლება, განსაკუთრებით მძიმედ დაავადებულ პატიმართა მიმართ არ იყენებენ სასჯელების გადავადების წესს, საპყრობილეებიდან კოლონიებში არ გადაჰყავთ ის ტუსაღები, ვის მიმართაც სასამართლომ მსჯავრი უკვე გამოიტანა" - განაცხადა ბაკურიძემ.