საქართველოს საგარეო საქმეთა მინისტრის მოადგილის ნინო კალანდაძის განცხადებით, რეგიონში არსებული ე.წ. გაყინული კონფლიქტები, როგორც ამას თანამეგობრობა მოიხსენიებს, სცილდება მხოლოდ საქართველოს, ასევე, რეგიონის ინტერესებს და წარმოადგენს გლობალური უსაფრთხოების პრობლემას.
როგორც მან საქართველოს პრეზიდენტის მიხეილ სააკაშვილის გამოსვლის შეფასებისას განაცხადა, საქართველოს მაგალითზე მსოფლიომ დაინახა, რომ გაყინული კონფლიქტები შეიძლება ძალიან მალე ცხელ ომში გადაიზარდოს და ფატალური შედეგები მოიტანოს. საბოლოო ჯამში ისე, რომ რეაგირების მოხდენა არ მოხერხდეს დროულად.
"შესაბამისად სწორედ ამაზე გაამახვილა პრეზიდენტმა ყურადღება, რომ რაც შეიძლება მეტად იყოს ჩართული მსოფლიო თანამეგობრობა ჩართული და რაც შეიძლება მეტად ზედამხვედელობა მიმდინარეობდეს, რომ სწორედ ასეთი კონფლიქტები არ გადაიზარდოს უფრო რთულ პრობლემაში, რომელიც რეალური პრობლემა იქნება არამხოლოდ რეგიონალური უსაფრთხეობისთვის, არამედ მსოფლიო უსაფრთხოებისთვის. პრეზიდენტმა ძალიან მართებულად გაუსვა ხაზი იმას, რომ რეგიონში მიმდინარე პროცესები და თითონ რეგიონი მნიშვნელოვანია, ენერგოკორიდოს თვალსაზრისით", - განაცხადა კალანდაძემ.
