ახალი დაპირისპირების თავიდან ასაცილებლად პასუხისმგებლობა ყველამ უნდა აიღოს.
ამის შესახებ საქართველოს პრეზიდენტმა მიხეილ სააკაშვილმა დღეს, მიუნხენის უსაფრთხოების კონფერენციაზე სიტყვით გამოსვლისას განაცხადა.
"სამხრეთ კავკასია ერთადერთი ალტერნატიული გზაა, რომელითაც ევროპა შუა აზიის ენერგორესურსებით მარაგდება, ასევე წარმოადგენს მნიშვნელოვან მარშუტს ISF-ს მისიისთვის და ეს არის რეგიონი, რომლის ხალხიც ტრანსატლანტკური ინტეგრაციისკენ მიისწრაფის", - აღნიშნა სააკაშვილმა.
მისივე შეფასებით, კავკასიის რეგინში ყოფილი იმპერია ჯერ კიდევ "დაყავი და იბატონეს" პრინციპით მოქმედებს.
"ახალი დაპირისპირების თავიდან ასაცილებლად ყველა ჩვენგანმა უნდა ავიღოთ პასუხისმგებლობა. რაც მოხდა ჩვენს ქვეყანაში 20ო8 წელს ეს ოკუპაცია იყო, მაგრამ სტრატეგიულ მიზანს ვერ მიაღწიეს, ქართული დემოკრატიის მოკვლა ვერ შესძლეს", - აღნიშნა საქართველოს პრეზიდენტმა და აქვს დასძინა, რომ ქართული დემოკრატია ყველაზე წარმატებულია და ამას ყველა აღიარებს პოსტსაბჭოთა სივრცეში.
