ფაქტის იგნორირება, რომ ყველასთვის კარგად ცნობილი უცხო ქვეყნა სამხედრო ძალების კონცენტრაციას განაგრძობს მომავალში კატასტროფამდე მიგვიყვანს.
ამის შესახებ საქართველოს პრეზიდენტმა მიხეილ სააკაშვილმა დღეს, მიუნხენის უსაფრთხოების კონფერენციაზე სიტყვით გამოსვლისას განაცხადა.
"მინდა ერთი მარტივი გზავნილი გადმოგცეთ - იმ ფაქტის იგნორირება, რომ ყველასათვის კარგად ცნობილი უცხო ქვეყანა სამხედრო ძალების კონცენტრირებას განაგრძობს მომავალში კატასტროფამდე მიგვიყვანს. დღეს ჩვენ ვლაპარაკობდით კიბერუსაფრთოხებაზე. 2008 წელს ისტორიაში პირველი შემთხვევა იყო, როდესაც ჩემი ქვეყნის წინააღმდეგ სამხედრო ძალის და კიბერთავდასხმა ერთდროულად წამოიწყეს", - აღნიშნა სააკაშვილმა.
პრეზიდენტმა უსაფრთხოების კონფერენციაში მონაწილეებს შეახსენა, რომ 2008 წელს ომის დროს რუსებმა ყველა ქართული ვებ-გვერდი დაბლოკეს, თუმცა რამდენიმე დღის შემდეგ განაცხადეს და დღესაც ამტკიცებენ, რომ თითქოს საქართველო დაესხა მოულოდნელად თავს რუსულ პოზიციებს.