საქართველოს პრეზიდენტი მიხეილ სააკაშვილი ავღანეთის პრეზიდენტს პოლიციის რეფორმის გატარებაში დახმარებას დაპირდა.
ამის შესახებ პრეზიდენტმა სააკაშვილმა მიუნხენის უსაფრთხოების კონფერენციაზე სიტყვით გამოსვლის დროს განაცხადა.
"ავღანეთის პრეზიდენტს ჰამიტ კარზაის დავპირდი, რომ პოლიციის რეფორმაში დავეხმარებით. საქართველო ერთ-ერთი ყველაზე კორუფციული ქვეყნიდან ტრანსფარენტ ინტერნეიშენელის მონაცემებით კორუფციასთან ნომერ პირველ მებრძოლად იქცა და ეს ჩვენს მიერ სამართლდამცავ სისტემაში გატარებულ რეფორმების შედეგად გახდა შესაძლებელი", - აღნიშნა სააკაშვილმა თავის გამოსვლაში.
მისივე თქმით, ქართული მხარე ავღანეთს შეიარაღებულ ძალებს ალტილერიტების მომზადებაშიც დაეხმარება.
"ავღანეთს შეგვიძლია დახმარება გავუწიოთ ეკონომიკური რეფორმების გატარებაშიც. მსოფლიო ბანკის მონაცემებით, ბოლო ხუთი წლის განმავლობაში საქართველო ნომერ პირველ რეფორმატორ ქვეყნად დასახელდა", - დასძინა საქართველოს პრეზიდენტმა.