დღეს, 6 თებერვალს, მიხეილ სააკაშვილი მიუნხენის საერთაშორისო კონფერენციაზე სიტყვით გამოვა. ამის შესახებ საქართველოს პრეზიდენტის ადმინისტრაცია იტყობინება.
საქართველოს პრეზიდენტმა კონფერენციის ფარგლებში, შეხვედრები გამართა გერმანიის კანცლერთან ანგელა მერკელთან და შვეიცარიის პრეზიდენტთან მიშელინ კალმი-რეისთან.
კონფერენციის მთავარი თემებია საერთაშორისო უსაფრთხოების პრობლემები, რეგიონული განხეთქილებები და უსაფრთხოების ზომები; უსაფრთხოების პოლიტიკის პროექტები ასევე მოიცავს კიბერნეტიკულ უსაფრთხოებას, სტრატეგიულ აზროვნებას და რესურსების უსაფრთხოებას.
კონფერენციაზე მიწვეულია 350 მაღალი დონის სტუმარი (ქვეყნის პრეზიდენტები, პრემიერ-მინისტრები, საგარეო საქმეთა და თავდაცვის მინისტრები) 150 ქვეყნიდან.
