უნგრეთის საგარეო საქმეთა მინისტრმა ანდრიი სიბიჰამ განაცხადა, რომ უნგრეთს შეუძლია დატოვოს საერთაშორისო ორგანიზაციები, თუ ამ ორგანიზაციებში უკრაინის წევრობა არ სურს.
სიბიჰა უნგრეთის პრემიერ-მინისტრის, ვიქტორ ორბანის განცხადებას გამოეხმაურა, რომლის მიხედვითაც, უნგრეთს უკრაინასთან ერთად საერთაშორისო ინსტიტუტებში წევრობა არ სურს.
„არსებობს ინტეგრაციის მრავალი ფორმატი, რომელსაც უნგრელები და უკრაინელები უკვე ერთად მიეკუთვნებიან. გაერო, ევროპის საბჭო, მსოფლიო სავაჭრო ორგანიზაცია, საერთაშორისო სავალუტო ფონდი, ევროპის ცენტრალური ბანკი, ევროპის რეკონსტრუქციისა და განვითარების ბანკი, დუნაის კომისია, ქიმიური იარაღის აკრძალვის ორგანიზაცია, ატომური ენერგიის საერთაშორისო სააგენტო, გაეროს სურსათისა და სოფლის მეურნეობის ორგანიზაცია და ათობით სხვა. ანუ, უნგრეთი აპირებს ყველა მათგანიდან გასვლას, ასეა?“ - წერს სიბიჰა X-ზე.
ორბანმა მანამდე განაცხადა, რომ უნგრეთი უარს ამბობს უკრაინასთაბ ერთად ორგანიზაციებში გაწევრიანებაზე, მათ შორის ნატო-სა და ევროკავშირში, და მოითხოვა უკრაინასთან სტრატეგიული ალიანსის შექმნა არსებულ ალიანსებში ჩართვის ნაცვლად.
