ისრაელის მიერ ქალაქ ღაზაზე განხორციელებული დარტყმის შედეგად მოძრაობა „ჰამასის“ სამხედრო ფრთის პრესმდივანი აბუ ობეიდა დაიღუპა.
ამის შესახებ ისრაელის თავდაცვის მინისტრმა, ისრაელ კაცმა, კვირას, 31 აგვისტოს განაცხადა.
მანამდე, ისრაელის პრემიერ-მინისტრმა ბენიამინ ნეთანიაჰუმ ობეიდას გარდაცვალების შესახებ განაცხადა და ხაზგასმით აღნიშნა, რომ ჰამასს ჯერ არ დაუდასტურებია პრესმდივნის გარდაცვალების ფაქტი.
AFP-ის ცნობით, წლების განმავლობაში აბუ ობეიდა რეგულარულად ჩნდებოდა ჰამასის ვიდეოებში.
ობეიდას ბოლო განცხადება 29 აგვისტოს გაკეთდა, როდესაც ისრაელის თავდაცვის ძალებმა (IDF) ღაზაში ახალი შეტევა დაიწყეს და ქალაქის ტერიტორია „სახიფათო საბრძოლო ზონად“ გამოაცხადეს.
