საფრანგეთის პრეზიდენტმა ემანუელ მაკრონმა განაცხადა, რომ ვოლოდიმირ ზელენსკისა და ვლადიმoრ პუტინს შორის მოლაპარაკებები ევროპაში, კერძოდ, ჟენევაში უნდა გაიმართოს.
„ეს ჰიპოთეზაზე მეტია, ეს კოლექტიური ნებაც კია“, - განაცხადა ემანუელ მაკრონმა მედიის მიერ დასმულ შეკითხვაზე ევროპაში შეხვედრის გამართვის შესახებ, რომელიც ვაშინგტონში დონალდ ტრამპსა და ევროპელ ლიდერებს შორის შეხვედრის შემდეგ გამოცხადდა.
„ეს იქნება ნეიტრალური ქვეყანა, ამიტომ შესაძლოა შვეიცარია, მე ჟენევის მომხრე ვარ, ან სხვა ქვეყანა. ბოლოს ორმხრივი მოლაპარაკებები სტამბოლში შედგა“, - თქვა მაკრონმა.
