ამერიკის შეერთებული შტატები ცდილობს, აიძულოს რუსეთის ფედერაცია, უკრაინაში ომის დასრულების მიზნით მოლაპარაკებების მაგიდასთან დაჯდეს. შესაძლოა, ამერიკის პრეზიდენტმა დონალდ ტრამპმა შესაბამის კანონპროექტს ხელი მოაწეროს.
აშშ-ის რესპუბლიკელმა სენატორმა ლინდსი გრემმა ABC News-თან ინტერვიუში განაცხადა, რომ დიდი პროგრესია მიღწეული კანონპროექტთან დაკავშირებით, რომელიც რუსეთისთვის ახალ მკაცრ შეზღუდვებს დააწესებს.
„რას ითვალისწინებს ეს კანონპროექტი? თუ თქვენ რუსეთიდან შეიძენთ პროდუქტებს და არ დაეხმარებით უკრაინას, მაშინ თქვენს მიერ შეერთებულ შტატებში იმპორტირებული პროდუქტები 500%-იანი ტარიფებით დაწესდება. ინდოეთი და ჩინეთი პუტინის ნავთობის 70%-ს ყიდულობენ. ისინი მის ომის მანქანას უჭერენ მხარს. ჩემს კანონპროექტს მხარი 84-მა თანაავტორმა დაუჭირა. ეს პრეზიდენტს საშუალებას მისცემს, ჩინეთის, ინდოეთისა და სხვა ქვეყნების წინააღმდეგ ტარიფები დააწესოს, რათა მათ პუტინის ომის მანქანის მხარდაჭერა შეწყვიტონ და აიძულოს მოლაპარაკებების მაგიდასთან დაჯდეს“, - განაცხადა ამერიკელმა სენატორმა.
მისი თქმით, აშშ-ის პრეზიდენტმა განაცხადა, რომ „მოქმედების დროა - წინ წაიწიოს კანონპროექტმა“.
ამავდროულად, გრემმა აღნიშნა, რომ ეს ინიციატივა ტრამპს მისცემს ინსტრუმენტს, რომელიც მას დღეს არ აქვს.
„ივლისის დასვენების შემდეგ, ჩვენ კანონპროექტს მივიღებთ“, - მიიჩნევს ამერიკელი პოლიტიკოსი.
მისი აზრით, ტრამპი დოკუმენტს ხელს მოაწერს, თუმცა მას უფლება აქვს უარი თქვას.
„ჩვენ ვცდილობთ, პუტინი ვაიძულოთ, მოლაპარაკებების მაგიდასთან დაჯდეს“, - ხაზგასმით აღნიშნა სენატორმა.
