ლეიბორისტული პარტიის წევრები ხელისუფლებას რუსული ხელოვნების აკრძალვაში ადანაშაულებენ. როგორც დღეს გამართულ ბრიფინგზე ლეიბორისტული პარტიის გენერალურმა მდივანმა სოსო შატბერაშვილმა განაცხადა, რესტორნებთან ერთად, რუსული სიმღერები არც რადიოს ეთერით გადაიცემა.
"საქართველოს ხელისუფლებამ რუსული სიმღერის შესრულება ყველა რესტორანში აკრძალა. ასევე, რადიოარხებს მითითება მისცა, არ გადასცენ რუსული სიმღერები. ეს ფაშიზმის გამოვლინებაა,"_აღნიშნა შატბერაშვილმა.
სოსო შატბერაშვილი მიიჩნევს, რომ რუსეთის ხელისუფლების გამო რუსულ კლასიკასთან ბრძოლა დაუშვებელია.
"არ მოგწონდეს რუსეთის ხელმძღვანელობა და ებრძოლო რუსულ კლასიკასა და ხელოვნებას, ეს ფაშიზმია,"_აღნიშნა შატბერაშვილმა.