უკრაინის საგარეო საქმეთა მინისტრი ანდრიი სიბიჰა რუსეთის საოკუპაციო ძალების მიერ კიევზე განხორციელებულ მასირებული შეტევის შემდეგ განცხადებას ავრცელებს.
სიბიჰას განცხადებით, პუტინის ქმედებები ცხადჰყოფს, რომ მას არ სურს ომის შეჩერება და მშვიდობის დამყარება.
მისივე თქმით, სისუსტე და დათმობები ტერორს და აგრესიას ვერ შეაჩერებს და მხოლოდ ძალა და ზეწოლაა საჭირო.
"გუშინდელი რუსული მაქსიმალისტური მოთხოვნები უკრაინის თავისი რეგიონებიდან გასვლის შესახებ, ამ სასტიკ დარტყმებთან ერთად, აჩვენებს, რომ რუსეთი, და არა უკრაინა, არის დაბრკოლება მშვიდობისთვის. ზეწოლა უნდა განხორციელდეს მოსკოვზე და არა კიევზე", - წერს სიბიჰა.
24 აპრილს რუსეთმა კიევზე მასირებული იერიში მიიტანა. თავდასხმის შედეგად, სულ მცირე, ცხრა ადამიანია დაღუპული, ხოლო 68 დაშავებული.
