ეს არაა ერთი ადამიანის მოხსნა, ესაა თეატრის დახურვა, - ასე ეხმიანება "თავისუფალი თეატრის" სამხატვრო ხელმძღვანელი ავთანდილ ვარსიმაშვილი დავით დოიაშვილის გათავისუფლებას. რეჟისორი კოლეგას სოლიდარობას უცხადებს და წერს, რომ ქვეყანაში ერთ-ერთი საუკეთესო თეატრი დაიხურა.
"ეს არაა ერთი ადამიანის მოხსნა, ესაა თეატრის დახურვა. დოი არ დაიკარგება, ჩემი თეატრის კარიც ღიაა მისთვის და დარწმუნებული ვარ, ბევრი სხვა თეატრიც გაუღებს კარს, მაგრამ ერთ-ერთი საუკეთესო ქართული თეატრი რომ დაიხურა, ეს ფაქტია, - წერს სოციალურ ქსელში ავთანდილ ვარსიმაშვილი.
შეგახსენებთ, კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა.
