საფრანგეთი ეწინააღმდეგება შავ ზღვაში ცეცხლის შეწყვეტის პირობებს, რომლებიც რუსეთმა წამოაყენა. ამის შესახებ საფრანგეთის პრეზიდენტმა ემანუელ მაკრონმა 26 მარტს უკრაინელ კოლეგასთან ვოლოდიმირ ზელენსკისთან ერთობლივ პრესკონფერენციაზე განაცხადა.
მაკრონმა გაიხსენა, რომ სწორედ რუსეთმა აქცია შავი ზღვა სამხედრო მოქმედებების თეატრად, ხელი შეუშალა კომერციულ მარშრუტებს და საფრთხეში ჩააგდო მათი უსაფრთხოება.
„მე სრულად ვუჭერ მხარს ამერიკის პრეზიდენტის მიერ შემოთავაზებულ კონცეფციას „მშვიდობა ძალის მეშვეობით. მაგრამ, რამდენადაც მე ვიცი, ეს კონცეფცია არ ნიშნავს სანქციების მოხსნას, ვიდრე ჩვენ არ შევამოწმებთ, რომ ყველაფერი მუშაობს“, - დასძინა მან.
საფრანგეთის პრეზიდენტის თქმით, არსებულ ვითარებაში არის აგრესიის მსხვერპლი, რომელიც მზად არის მიიღოს ცეცხლის შეწყვეტა ყოველგვარი პირობის გარეშე, „მეორე მხარეს კი არის აგრესორი, რომელიც უკვე იწყებს პირობების წამოყენებას, რათა, ასე ვთქვათ, არ მიიღოს იგი [ცეცხლის შეწყვეტა].
„ამიტომ, სანქციების საკითხი დადგება, როცა განვიხილავთ. მაგრამ ამ საკითხის განხილვა ჯერ არ არის შესაფერისი დრო. ეს იქნება [რელევანტური] როდესაც ვისაუბრებთ მდგრად მშვიდობაზე“, - დასძინა მან.
ამასთან, მაკრონმა განაცხადა, რომ თუ რუსეთი გავა უკრაინის საერთაშორისოდ აღიარებულ საზღვრებზე, „ყველა სანქცია მოიხსნება“.
”ანუ ეს ყველაფერი - სანქციების მოხსნის საკითხი - დამოკიდებულია რუსეთის არჩევანზე, დაიცვას საერთაშორისო სამართალი,” - აღნიშნა მაკრონმა.
