აშშ-ის პრეზიდენტმა დონალდ ტრამპმა დაადასტურა, რომ კამათი ვოლადიმირ ზელენსკისთან უკრაინის პრეზიდენტის ოვალურ კაბინეტში უკრაინაზე ზეწოლის სტრატეგიის ნაწილი იყო.
მან ასევე განაცხადა, რომ აშშ-ის გადაწყვეტილებას უკრაინისთვის იარაღის მიწოდების შეწყვეტის შესახებ არანაირი შედეგი არ მოჰყოლია უკრაინის არმიაზე. ამის შესახებ ტრამპმა ჟურნალისტებთან საუბრისას განაცხადა.
ჩვენ გვჭირდებოდა, რომ უკრაინა სწორად მოქცეულიყო. ეს არ იყო იოლი სიტუაცია.
თქვენ ნახეთ პატარა სცენა ოვალურ კაბინეტში, მაგრამ მე ვფიქრობ, რომ ისინი ახლა სწორად იქცევიან და ჩვენ ვცდილობთ მივაღწიოთ სამშვიდობო შეთანხმებას, მივაღწიოთ ცეცხლის შეწყვეტსა და შემდეგ სამშვიდობო შეთანხმებასაც,” - განაცხადა ტრამპმა
ტრამპმა დასძინა, რომ უკრაინის ომში ბევრი ადამიანი იღუპება და დარწმუნებულია, რომ მან ყველაფერი სწორად გააკეთა.
გარდა ამისა, შეკითხვაზე უკრაინაში იარაღისა და დაზვერვის მიწოდების შეწყვეტის შესახებ, ტრამპმა თქვა, რომ ამ გადაწყვეტილებას არანაირი შედეგი არ მოჰყოლია უკრაინის არმიისთვის რუსეთის კურსკის ოლქში.
