აშშ-ის პრეზიდენტმა დონალდ ტრამპმა განაცხადა, რომ ამერიკულ გემებზე ჰუსიტების შემდგომი შესაძლო თავდასხმების საპასუხოდ "დიდ ძალას გამოიყენებს. მისივე თქმით, ირანს, რომელიც მათ მხარს უჭერს, ასევე ექნება შედეგები. ამის შესახებ ტრამპი თავის სოციალურ ქსელ Truth Social-ში წერს.
აშშ-ის პრეზიდენტი დონალდ ტრამპი ირანს დაჰპირდა "საშინელ შედეგებს", თუ ჰუსიტები გააგრძელებენ ამერიკულ გემებზე თავდასხმას.
ტრამპმა აღნიშნა, რომ ჰუსიტების თავდასხმები, "სათავეს იღებს ირანში და იქმნება ირანის მიერ".
„ჰუტისების მხრიდან ნებისმიერ შემდგომ თავდასხმას ან შურისძიებას პასუხი დიდი ძალით გაეცემა და არ არსებობს გარანტია იმისა, რომ ეს ძალა ამაზე გაჩერდება.
არავინ მოიტყუოს თავი! ჰუსიტების, იემენში დაფუძნებული ამ ბოროტი განგსტერებისა და ავაზაკების, რომელთაც იემენის ხალხი ვერ იტანს, ასობით იერიშის უკან ირანი დგას".
ამერიკის პრეზიდენტმა ასევე ხაზი გაუსვა ირანის პასუხისმგებლობას ჰუსიტების სამხედრო მხარდაჭერაზე.
„ჰუსიტების ყოველი გასროლა განიხილება, როგორც ირანის ხელმძღვანელობის მიერ ირანული იარაღის გასროლა. ირანი აგებს პასუხს, საკუთარ თავზე იგრძნობს შედეგებს და ეს შედეგები იქნება საშინელი"! - განაცხადა ტრამპმა.
გასულ შაბათ-კვირას შეერთებულმა შტატებმა იემენში დარტყმების მორიგი სერია წამოიწყო, რომელიც ამერიკული მხარის მტკიცებით, ჰუსიტი ლიდერების წინააღმდეგ იყო მიმართული.
