აშშ-ის პრეზიდენტმა დონალდ ტრამპმა განაცხადა, რომ რუსეთის პრეზიდენტ ვლადიმირ პუტინთან სატელეფონო საუბარს სამშაბათს აპირებს, რათა განიხილოს უკრაინაში ომის დასრულების საკითხი. ამის შესახებ ტრამპმა ჟურნალისტებს Air Force One-ს ბორტზე განუცხადა, როდესაც ფლორიდიდან ვაშინგტონში მიფრინავდა. იუწყება Reuters
"მე ვისაუბრებ პრეზიდენტ პუტინთან სამშაბათს. ბევრი სამუშაო შესრულდა შაბათ-კვირას," - თქვა ტრამპმა
ტრამპის თქმით, სურს ნახოს, „შევძლებთ თუ არა ამ ომის დასრულებას“.
„შესაძლოა, ჩვენ შევძლოთ, შესაძლოა ვერ შევძლოთ, მაგრამ ვფიქრობ, რომ ძალიან კარგი შანსი გვაქვს“, - თქვა ტრამპმა.
სააგენტო აღნიშნავს, რომ ტრამპი ცდილობს აიძულოს პუტინი დაეთანხმოს 30-დღიან ცეცხლის შეწყვეტის წინადადებას, რომელსაც უკრაინა გასულ კვირას დათანხმდა, მაშინ როცა მხარეები აგრძელებენ მასიურ საჰაერო თავდასხმებს დამაშინ, როდესაცრუსეთი ახლოსაა უკრაინული ჯარების განდევნასთან კურსკის რეგიონიდან.
დათმობებთან დაკავშირებულ შეკითხვაზე ტრამპმა უპასუხა: „ჩვენ ვისაუბრებთ ტერიტორიებზე. ჩვენ ვისაუბრებთ ელექტროსადგურებზე“.
მან ასევე დაამატა, რომ შეერთებულმა შტატებმა „უკვე ბევრი რამ განიხილა ორივე მხარესთან“.
