ათასობით უკრაინელი ჯარისკაცი გარშემორტყმულია რუსეთის სამხედრო ძალებით, დაუცველ მდგომარეობაში არიან. მტკიცედ მოვითხოვე პრეზიდენტ პუტინისგან, დაინდონ მათი სიცოცხლე, – ამის შესახებ აშშ-ის პრეზიდენტი დონალდ ტრამპი სოციალურ ქსელ Truth Social-ში წერს.
როგორც ტრამპი წერს, არსებობს ძალიან კარგი შანსი, რომ „ეს საშინელი ომი საბოლოოდ დასრულდეს“.
„ჩვენ გუშინ ძალიან კარგი, ნაყოფიერი განხილვა გვქონდა რუსეთის პრეზიდენტთან, ვლადიმერ პუტინთან და არსებობს ძალიან კარგი შანსი, რომ ეს საშინელი, სისხლიანი ომი შეიძლება საბოლოოდ დასრულდეს, მაგრამ ამ მომენტში ათასობით უკრაინელი ჯარისკაცი სრულიად გარშემორტყმულია რუსეთის სამხედრო ძალებით, ძალიან ცუდ, დაუცველ მდგომარეობაში არიან. მტკიცედ მოვითხოვე პრეზიდენტ პუტინისგან, დაინდონ მათი სიცოცხლე. ეს იქნებოდა საშინელი ხოცვა-ჟლეტა, რომლის მსგავსიც არ გვინახავს მეორე მსოფლიო ომის შემდეგ. ღმერთმა დალოცოს ისინი ყველა!!!“ – წერს ტრამპი.
