უკრაინის საგარეო საქმეთა მინისტრის ანდრიი სიბიჰას განცხადებით, უკრაინის ხელისუფლებამ მონიტორინგის ჯგუფის ფორმირება დაიწყო, რომელიც რუსეთთან შესაძლო დროებითი ზავის აღსრულების პროცესს დააკვირდება,
„ჩვენ ფაქტობრივად დავიწყეთ ეროვნული გუნდის ფორმირება, რომელიც შესაძლო ზავის შესაბამისი კონტროლისთვის საჭირო მოქმედებათა ალგორითმს შეიმუშავებს. ეს ძალიან რთული პროცესია. ჩვენ მზად უნდა ვიყოთ, რათა რუსული მხარისგან შესაძლო პროვოკაციები თავიდან ავიცილოთ“, - თქვა სიბიჰამ.
მისი თქმით, უკრაინას უკვე აქვს ნეგატიური გამოცდილება მინსკის შეთანხმების იმპლემენტაციის კუთხით. როგორც სიბიჰამ აღნიშნა, მინსკის შეთანხმების ფარგლებში ცეცხლის შეწყვეტა 25 ჯერ ცხადდებოდა, თუმცა მას რუსეთი მუდამ არღვევდა.
