თეთრ სახლში აცხადებენ, რომ აშშ-ის პრეზიდენტი დონალდ ტრამპი განრისხებულია იმის გამო, რომ რუსეთი აძლიერებს თავდასხმებს უკრაინაზე იმ დროს, როდესაც ის ცდილობს სამშვიდობო შეთანხმების მიღწევას.
ამის შესახებ Axios, თეთრი სახლის ანონიმურ ოფიციალურ პირზე დაყრდნობით იუწყება.
ეს ინფორმაცია გავრცელდა მას შემდეგ, რაც ტრამპის Truth Social-ზე გამოქვეყმა პოსტი, რომელშიც ის რუსეთს სანქციებითა და ტარიფებით დაემუქრა.
გამოცემა აღნიშნავს, რომ თანამდებობის დაკავების შემდეგ ეს პირველი შემთხვევაა, როცა ტრამპი საჯაროდ დაემუქრა რუსეთს, მას შემდეგ, რაც მან უფრო რბილი პოზიცია დაიკავა ვლადიმირ პუტინის მიმართ.
თეთრი სახლის მაღალჩინოსანმა თქვა, რომ ტრამპის "რისხვა იზრდება" ბოლო დღეებში რუსეთის მომქედებებისა და უკრაინაში დარტყმების გაძლიერების გამო იმ დროს, როდესაც აშშ-ის პრეზიდენტი ცეცხლის შეწყვეტისკენ ისწრაფვის.
შეგახსენებთ, ტრამპმა განაცხადა, რომ განიხილავს რუსეთის წინააღმდეგ ფართომასშტაბიანი სანქციების და ტარიფების შემოღების შესაძლებლობას.
მან ეს განცხადება გააკეთა უკრაინისა და რუსეთის მოლაპარაკებების მაგიდასთან მიყვანის მცდელობისა და ოფიციალურ კიევზე ბოლო დღეებში უპრეცედენტო ზეწოლის ფონზე.
