გერმანიამ, შეწყვიტა საქართველოში 237 მილიონი ევროს ღირებულების სახელმწიფო პროექტები - სამოქალაქო საზოგადოების მხარდაჭერა გრძელდება, - ამის შესახებ საქართველოში გერმანიის ელჩი, პეტერ ფიშერი X-ზე წერს.
"გერმანიამ, სინანულით, შეწყვიტა საქართველოში 237 მილიონი ევროს ღირებულების სახელმწიფო პროექტები. გერმანიის ეკონომიკური თანამშრომლობისა და განვითარების სამინისტრო და მინისტრი, სვენია შულცე საქართველოს მიერ ევროკავშირისკენ გზის დატოვებასა და საპროტესტო აქციების წინააღმდეგ მკაცრი ზომების მიღებას ეხმაურებიან. მწვანე წყალბადის, ენერგეტიკული ინფრასტრუქტურის და ბათუმში წყლის ინფრასტრუქტურის დაფინანსება შევაჩერეთ. სამოქალაქო საზოგადოებისა და კანონის უზენაესობის მხარდაჭერა გრძელდება", - წერს ფიშერი.
